تقدرو تشتركو بالمدونة عشان توصلكم اي تدوينة جديدة 💖
اليوم بتكلم عن شآرجد وتر من مآك
وصف المنتج : مياه تحتوي على فيتامينات وعناصر معدنية مُفيدة للبشرة تغذيها و تمنحها النضآرة و الترطيب و يعيد النشاط للبشرة يحتوي على نسبة من الشآي الاخضر والحمضيآت مُشابه للفكس بلس لكن شارجد ووتر افضل من حيث الترطيب
يمتص بسرعة خلال ثواني ، البنات اللي بشراتهم حساسة يناسبهم لانه يعتبر مهدئ للبشرة خاصة مع تغيرات الطقس ودرجة الحرارة لانه غني بالمعادن والفيتامينات فيعمل على تهدئة البشرة من التهيج
ينآسب جميع البشرات لكن آفضل للبشرة الجآفة
تركيبته : خفيفة جدا ، تركيبه كأنه مآء بمجرد ما تستخدميه على البشرة يمتص في ثواني ،
العبوة : العبوة ممتازة ما لاحظت اي تسريب للمنتج العبوة فيها مثل القليتر واللمعة طبعا هيا على العبوة لكن المنتج نفسه مافيه اي لمعية او قليتر
استخدامآته :
• يستعمل قبل المكيآج للترطيب و اعطاء البشرة رونق و حيوية
• يستعمل مهدئ للبشرة الحساسة و مريح لها
• بآمكانك استعماله ع الفرشة للشدوات اللي ثباتها ضعيف او ما توضح ع الجفن ، و الشدو الشيمر ( لمعة )عشان يعطي تقوية للشدو و يوضح لونه و يثبته ع الجفن كل اللي عليكم انكم تبخوه على الفرشة
صورة من النت *
توضح اللي اقصده طبعا هما مستعملين فكس بلس بس لهم نفس التأثير تماما بالنسبة للشادو
• استعماله بعد المكيآج يعطي لوك ديوي و ندي ع البشرة
خاصة اذا كان الفانديشن يتكتل او يتطلع لك خطوط فستعمليه ع البشرة و تمرري البيوتي بلندر ع الفانديشن فيعطي لوك متناسق بدون تكتل
الشي الوحيد اللي ما حبيته فيه سعره صراحه مبالغ فيه اشتريته 121 طبعا ماك كل فترة يزيدو في اسعارهم 👎🏼
كان هذا كل شي عن شآرجد ووتر من مآك اتمنى عجبتكك التدوينة 💜🌸
