CHARGED WATER HYDRATING MIST REVIEW | ريفيو عن شآرجد ووتر

السلآم عليكم 

تقدرو تشتركو بالمدونة عشان توصلكم اي تدوينة جديدة 💖 

اليوم بتكلم عن شآرجد وتر من مآك 

   

وصف المنتج : مياه تحتوي على فيتامينات وعناصر معدنية مُفيدة للبشرة تغذيها و تمنحها النضآرة و الترطيب و يعيد النشاط للبشرة يحتوي على نسبة من الشآي الاخضر والحمضيآت مُشابه للفكس بلس لكن شارجد ووتر افضل من حيث الترطيب  

يمتص بسرعة خلال ثواني ، البنات اللي بشراتهم حساسة يناسبهم لانه يعتبر مهدئ للبشرة خاصة مع تغيرات الطقس ودرجة الحرارة لانه غني بالمعادن والفيتامينات فيعمل على تهدئة البشرة من التهيج 

ينآسب جميع البشرات لكن آفضل للبشرة الجآفة 

تركيبته : خفيفة جدا ، تركيبه كأنه مآء بمجرد ما تستخدميه على البشرة يمتص في ثواني  ، 

العبوة : العبوة ممتازة ما لاحظت اي تسريب للمنتج العبوة فيها مثل القليتر واللمعة طبعا هيا على العبوة لكن المنتج نفسه مافيه اي لمعية او قليتر 

استخدامآته : 

• يستعمل قبل المكيآج للترطيب و اعطاء البشرة رونق و حيوية 

• يستعمل مهدئ للبشرة الحساسة و مريح لها 

• بآمكانك استعماله ع الفرشة للشدوات اللي ثباتها ضعيف او ما توضح ع الجفن ، و الشدو الشيمر  ( لمعة )عشان يعطي تقوية للشدو و يوضح لونه و يثبته ع الجفن كل اللي عليكم انكم تبخوه على الفرشة 

صورة من النت * 

توضح اللي اقصده طبعا هما مستعملين فكس بلس بس لهم نفس التأثير تماما بالنسبة للشادو 

• استعماله بعد المكيآج يعطي لوك ديوي و ندي ع البشرة 

خاصة اذا كان الفانديشن يتكتل او يتطلع لك خطوط فستعمليه ع البشرة و تمرري البيوتي بلندر ع الفانديشن فيعطي لوك متناسق بدون تكتل  

الشي الوحيد اللي ما حبيته فيه سعره صراحه مبالغ فيه اشتريته 121   طبعا ماك كل فترة يزيدو في اسعارهم 👎🏼 

كان هذا كل شي عن شآرجد ووتر من مآك اتمنى عجبتكك التدوينة 💜🌸

Septemper favorites / مفضلاتي لشهر سبتمبر 💓

  

هااي قايز ^_^ 

كيفكم  :) رجعت للمدونة بعد غيبة بسيطة بسبب الدوامات والمشاغل الحياتية  ماعلينا

شكرا على ١٤٨٠ متابع في الانستا 

ياليت يكون في تفاعل بالكومنت باللايك 

لان ١٤٨٠ متابع واللايكات ٣٠ 

:( 

عالعموم خلينا نبدا

مفضلاتي لشهر سبتمبر بسيطة جدا 

وسبق  وذكرت بعضها في الانستقرام

نبدا بمنتجات الشعر 💆

شامبو صانسيلك الاسود 

سمعت عنه مدح وحبيت اجربه 

سمعت كثير يقولو ان الشامبو يغمق الشعر اذا كان شعرك مصبوغ

تجربتي

حبيته يعطي لمعان و يسهل تسريح الشعر بشكل سهل 

يخفف التشابك ريحته جدا جميلة 

ينظف الفروة  ويخفف الدهون ويعطي انتعاشش 

شعري بني غامق 

مالاحظت ابدا انه غمق اللون 

حبيت فيه ان مايعطي رغوة كبيرة وهالشي ريحني 

مايجفف لكن اذا استخدمتيه اكثر من مرتين في الشاور الواحد يمكن يسبب لك جفاف 

فيه زي القليتر بس مايثبت  في الشعر

يعني مجرد تركيبة في الشامبو نفسه 

______________________________

ماسك لوريال بزيت الارقان

سويت عنه ريفيو كامل في الانستقرام تقدرو تشوفوه 

حسابي في الانستقرام @mamila_beauty

اعشق ماركة لوريال واثق جدا بمنتجاتها 

هالماسك روعه  شعري جدا جاف 

وناسبي الماسك كثير يعطي ترطيب ويسهل تسريح الشعر 

تحسي الشعر خفيف و مترطب خفف لي التشابك 

طريقة استخدامه

من نص الشعر الى الاطراف 

ابعدي عن الفروة (عموما البلسم والماسك ماتوضع على الفروة ابدا )

تتركينه على الشعر ٥ دقايق وتغسليه 

يستخدم على الشعر المبلول ( لما يكون الشعر مترطب بالماء مو مبلول مرا )

او الشعر الجاف 

وبكلتا الحالتين تتركينه ٥ دقايق وتغسليه 

حبيت استخدامه على الشعر الجاف اكثر وعطاني نتيجة افضل من لما يكون الشعر مبلول 

تركيبته خفيفة وريحته عادية 

______________________________

منتجات البشرة 

فازلين المسك المخملي

اشتريته عشان ريحته

استخدمه بشكل يومي خفيف على البشرة وماكأنك

حاطه شي عالبشرة يُمتص بسرعة ويعطي طراوة وترطيب حلو للبشرة ريحته مرا حلوه ويعطي نعومة وملمس جميل للبشرة 

لكن ترطيبه مو عميق  ترطيبه متوسط 

يعني لو كانت بشرتك جافة جدا 

يمكن مايعجبك لان ترطيبه مو قوي 

لما استخدم شاور جِل ديتول او اي مقشر 

ما افكر استخدمه استخدم مرطب ستيفز 

لان فازلين مايمنحك الترطيب العميق اللي تحتاجه البشرة بعد التقشير 

مكتوب ترطيب ٢٤ ساعة 

طبعا لا يمكن ٧ ساعات 

________________________________

مرطب مسائي للبشرة 

NUTRIGANICS

مكوناته طبيعية واغلبها اعشاب وريحته ريحة اعشاب 

كمية بسيطة منه تكفي الوجه كله سريع توزيعه 

مايدهن الوجه و ملمسه مو لزج خفيف جدا عالبشرة بس يرطبها يستخدم قبل النوم يرطب بشكل جميل 

مع الاستخدام يخفي لك الخطوط اللي بالبشرة 

ينعم البشرة ويعطيها ملمس ناعم 

________________________________

الميك اب 

Rimmel kate moss 112

😻 حبيب البي 

لونه دارج كثير هالفترة 

لونه جاي بين البني مايل للعودي ماعرف كيف اوصفه 

بس مرا حلو عالشفايف 

مات عالشفايف مايقشر ولا يجفف 

ثابت بشكل معقول 

ريحتة تجنن مثل ريحة الفواكة 

السواتش من النت

    

روج ريميل Heather Shimmer 220. 

لونه وردي على بني كريمي ترطيبه جميل 

ثباته حلو بالنسبة للكريمي بس بدون اكل وشرب  

وهذا سواتش له من النت 

اول واحد عاليسار 

___________________________________

مزيل رائحة  العرق من بيزلين

 ^ديودرينت^

سبق وتكلمت عنه في الاستقرام في بوست المنتجات اللي خلصتها 

استقرامي 

@mamila_beauty 

حلو طبي وخفيف جدا مو من المزيلات اللي تضيق على المنطقة اذا كنتي خارجه لفترة طويلة ما اتوقع يناسب لان مفعوله مو طويل 

فيه انواع منه 

__________________________________

 وختامها مسك 😍

ارزة لبنان 💗😩

ريحته بتعقئد :@ 

هادية وحلوة وثابت جدا لو تسوي اللي تسوي

ثابته ريحته 

تقدري تستخدميها كـ ديوديرنت 

مزيل رائحة العرق

اشوفكم في بوست ثاني 

يوم سعيد ❤️❤️

Types of mascara and eyelashes care

اهليييين 💓 

ع فكرة فيه ٤ تدوينات قبل شوفها :') يعني اذا حابين :@ 

خلونا نبدا بالبوست 

الصور من النت لاني مستعجلة 

احاول انزل في الاستقرام عن افضل الماسكرات بالنسبة لي :) 

الماسكارا اهم شي عندي بالمكياج 

احسها تعطي شكل جذاب للعين 

بالبداية حابه  اتكلم عن الرموش 

من فترة كنت احط الماسكارا يوم كامل وانام فيها 

عادي لكن لاحظت ان رموشي بدت تخف وتقل 

واكيد مالي غير الفازلين فـ صرت استخدم الفازلين قبل ما انام على رموشي بشكل يومي وامشط الرموش وانام 

خلال اسبوع واحد لاحظت الفرق الرموش تطول 

الفازلين يعطي كثافة وطول  للرموش 

وصار من الروتين اليومي 

بناات الماسكارات بانواعها تتعب الرموش 

وخاصة المضادة للماء اذا كنتو من عشاق الماسكارا 

حاولو ما تطول الماسكارا على الرموش ونظفوها بـ مزيل المكياج او الزيت الزيتون او الفازلين 

العكافة 

بعض البنات يشدون في العكافة ويحركو العين مع الشد فـ تتساقط الرموش 

حاولي ماتطولي في العكفة وماتحركي عينك 

بالنسبة للبنات اللي يستخدمو الاستشوار ع العكافة 

لا تخلو العكافة تكون مرا حاره عشان ماتضر بالرموش 

انواع الماسكارات 💞

عشان تحتاري الماسكرا المناسبة لك لازم تراعين كذا شي

الشي الاول والاساس هو نوعية رموشك ( كثيفة خفيفة طويلة قصيرة ) 

والشي الثاني 

شكل عينك ماتكون عينك صغيرة وتكون الرموش مرا مرا اوفر تحسي العيون منعدمة  مو ملاحظة 

كمان

المسافة بين عينك والحاجب

بعض البنات مهما. يكون مكياجها حلو لكن نحس فيه غلط بالمكياج والسبب ماراعت المسافة بين الحواجب والعين 

فيه ماسكارات للتكثيف والتطويل في منها للتطويل فقط او التكثيف او اعطاء منظر طبيعي اكثر 

انا شخصيا افضل التكثيف 😍 

فيه ماسكارات تكون بيرفكت لكن لما 

نشتريها ماتعجبنا ليه ؟!

مثلا الماسكرا تكون للتكثيف وتكون رموشنا اساسا كثيفة فـ لما تستخدميها تتكتل وتعطي لوك اوفر 

وماتعجبنا 

للرموش الطويلة استخدمي ماسكرة التكثيف 

وللرموش القصيرة استخدمي ماسكرة التطويل 

للرموش السفلى حاولي تحطي بس طبقة واحدة 

١- straight brush wand 

هالمسكرة سهل الاستخدام او هالفرشة تناسب الاستخدام اليومي للجامعات او بنات المدارس تعطي طول وكثافة متوسطة احب هالنوع من الماسكرات شبيه بمسكرة افون الزرقاء راح اعمل عنها ريفيو بالاستقرام ان شاء الله 

٢- Curved Wand

مسكرة منحنية بالنسبة لفرشتها تناسب اللي مايعرفو يستخدمو العكافة او تكون رموشهم نازلة او مو معكوفة بشكل طبيعي 

يجي منها للتطويل والتكثيف لكن مهمتها الاساسية عمل برمه او عكفة للرموش 

3  Peanut Shape

 

بعض البنات تكون رموشهم كثيفه من جهة وخفيفة من جهة ثانية او طويلة من جهة وقصيرة يعني ماتحسي في توازن او تناسب في رموشها هالمسكرة تناسبهم لانها تعمل اعطاء شكل بيرفكت للرموش يخفي التفاوت في الطول والكثافة 

4-Tapered Brussh

تناسب البنات اللي رموشهم قصيرة تعطي طول للرموش وراسها النحيف يسهل عليها انها تدخل للرموش وتفرقها بس ماتعطي كثافة كبيرة 

٥-Dyeing

تكون شعيراتها كثيرة وخشنة وكثيفة  مهمتها الاساسية التكثيف بشكل قوي وتعطي طول اضافي غالبا تتكتل مع اللي رموشهم كثيرة تناسب المناسبات والاعراس ماتناسب الدوام 

٦-Bullet Shape

اكثر مسكرة طبيعية ما كأنك حاطه شي ع رموشك مجرد تغطيه للرموش وتفريق تناسب الاجواء الصباحية 

٧-  Vibrating Wand 

 

شكل فرشتها حلزوني تعطي شكل ملفت وجذاب للرموش تعطي كثافة جمييييلة للرموش وسوادها يكون قوي ويغطي كل الرموش 

 اشوفكم في بوست جآي 

انشرو المدونة 😍

Products for oil skin ، منتجات عجيبة للبشرة الدهنية

السلام عليكم

كيفكم بنات كل عام وانتم بخير وان شاء الله يارب تكونو بخير وصحة وعافية وسعادة وفرح ❤️ 

اليوم حابه اتكلم عن منتجات حبيتها وناسبتني كثير 

طبعا اغلب مشاكل البشرة الدهنية تتلخص بالحبوب اللمعان الزايد  

واليوم راح اعمل ريفيو عن هالمنتجات 

بما ان بشرتي دهنية استخدمت منتجات كثيره نصها عجبني

ونصها لا 

في التدوينة راح اتكلم عن نقاط اساسية مثل ازالة اللمعان والدهون 

التقشير المناسب للبشرة الدهنية 

التخلص من الحبوب 

فـ يلا نبدا 💭 

كل هالمنتجات ساعدتني في ازالة اللمعان والتحكم بالدهون استخدمها بشكل يومي ماعدا التونر بشكل اسبوعي 

اولا غسول هملايا لتبييض الوجه 

اعشق هملايا اعشاب اذا كنتِ تبحثين عن غسول يصفي بشرتي وينظفها من جد ويفتحها تحسي بشرتك نظيفة مو اي كلام روحي ع غسولات هملايا 

هالغسول استخدمه بالصباح 

ينظف يصفي البشرة فيه عرق السوس ومواد طبيعية مرا حبيته بعد ماتستخدميه تحسي اللمعان  والدهون اختفو تماما وتلاحظي صفاء وتفتيح للبشرة ونعومة 

حسيت ازال الدهون بدون مايجفف البشرة 

بوندس 

غسول اقرب للتقشير فيه حبيبات صغيرة جدا كمان ينظف البشرة يزيل البثور ويهيئ البشرة للمنتجات اللي تعالج الحبوب شخصيا حبيته انه ينشف الوجه ويزيل اللمعان بدون مايجفف البشرة يعطي منظر نقي للبشرة بدون دهون مزعجة ولا لمعان 

تونر الشاي الاخضر من ذا  بودي شوب 

سويت عنه ريفيو كامل في المدونة 

حبيته يخفف الدهون يغلق المسام ويزيل كل الشوائب اللي تمسكها البشرة خاصة ان البشرة الدهنية 

تمسك اي شي بالجو وهذا للاسف سبب في 

تراكم الشوائب ومن ثم تكون الحبوب 

فـ هالتونر يساعد انه ينظفها ويمسح كل الشوائب تقريبا مشابة للاسكنول في نقطة مهمة كثرة استخدم هالتونر بشكل مستمر يوميا ٤ او ٥ شهور بشكل يومي يجفف لك البشرة البشرة تبدا تتعود عليه 

بشكل عام لاتستمري على منتج معين من منتجات الغسولات او التونرات الا باستشارة طبية لان الاستمرار في الاستخدام يسبب ان البشرة تتعب كثير لو وقفتي استخدامه يعطي زي حالة ادمان

 

هالمنتجين استخدمهم كل ماحسيت بظهور حبوب بثور في البشرة 

 

ماسك الشاي الاخضر من ذا بودي شوب 

سويت عنه ريفيو في المدونة تقدرو تشوفوه

 استخدمه للحبوب مرا جميل يخفف الحبوب اول ماتستخدميه ع البشرة يكون حار يجفف الحبة وبعدها تبدا تخف 

زيت الشاي الاخضر 

اكثر فاعلية من الماسك ، الماسك يحتاج وقت وطبعا لاتستخدمي ماسكات بشكل يومي لانه تضر حـ كتب تدوينة عنها ان شاء.الله

الزيت اول ماتطلع لك حبة تحطي عليها الزيت ان شخصيا كل ٥ ساعات احط ع الحبة زيت

وعلى هالحال يوم يومين وبعدها تختفي الحبة تماما في بعض الحالات تروح الحبة بس ماتختفي الاثار 

كل هالمنتجات مناسبة للاستخدام الاسبوعي او الشهري يعني لاتفكرين تستخدمينها ع البشرة يوميا لانها راح تفتح المسام وتعب البشرة وتعطيك نتيجة عكسية هالمنتجات مناسبة للبشرة الدهنية شخصيا ما اقدر استغني عنها 

اول حاجة مقشر ستيفز

ارتاح كثير لمنتجات ستيفز واثق فيها اغلب الاشياء اللي استخدمتها منهم عجبتني 

هالمقشر استخدمه بشكل شهري واحياناً اسبوعي 

تقريبا كل ماحسيت بشرتي تحتاج تقشير استخدمت

يقشر بصورة ممتازة فيه حبيبات تقشيره عالي عشان كذا لازم تكون التقشير بحركات بسيطة مو تقشري بقوة بعدها راح تتحسس البشرة وتتضرر يزيل الخلايا الميتة والترسبات اللي تعلق ع البشرة مره جميل ومرتاح عليه ومن فترة طويلة استخدمه

غارنيه ٣قي ١ 

سبق واتكلمت عنه في الاستقرام 

٣ غسول قناع ومقشر 

مره جميل ينظف من قلب يعطي شكل مرا حيوي ونضر للبشرة 

كأنه عامله جلسة تنظيف مكثفة 

خفف لي كثير من الحبوب بالبشرة لانها يجفف الحبة 

كمان يخفف الافرازات الدهنية ويتحكم فيها 

بعض الغسولات تستخدميها بعدها ساعة ساعتين تلقي وجهك مدهن لكن هذا غير

ينظف البشرة ويخفف الدهون بدون مايجفف البشرة 

ماسك الشاي الاخضر من ذا بودي شوب

اتمنى عجبكم البوست واسفة اني قطعت عن المدونة

ادعموني بالاشتراك بالمدونة وعمل كومنتات 

حسابي بالاستقرام 

: mamila_beauty

Have fun 👋 

الكونتور والهايلايت لتحديد ملامح الوجه

السلام عليكم  

كيفكم 

اليوم حابه اتكلم عن نقطة مهمة قي المكياج واللي هي الكونتورينق والهايلايتينق 

........................................

بالبداية لازم تعرفين شكل وجهك ومميزاته 

اول شي : فكرة الكنتور هي كأنك تنحتين وجهك وتصغرين المساحات الواسعة مثل عظمة الانف الجبهة اسفل الشفايف اسفل الخد بس لازم ننتبه لنقطة مهمة ان المهم نركز على ملامحنا مثلا تكون عظمة الانف عندك صغيره فما تحتاج كنتور راح يظهر الشكل العام مو طبيعي والهدف اننا ننحت الوجه بشكل طبيعي باستخدام طرق المكياج الذكية   

االكونتور/ هو بلاشر كريمي او بودر يكون غامق الون المثالي هو (بني على رمادي) لان العظمة نفسها فيها لون رمادي فتظهر طبيعيه ابتعدي عن الكونتور المايل للبني المحمر لانه يظهر الشكل تعبان و مو متناسق واساسا تحسي احد ضاربك بكف  😬  ممنوع يكون فيه لمعه لازم نفرق بين الكونتور و البرونز لان البرونز مايصلح ابداً كونتور "البرونز" يوضع بالاماكن التي بعاده اذا سوينا تان تغمق اكثر شيء. 

ليش استخدم الكونتور ؟ 

يستخدم الكونتور عشان تخفين وتصغرين المناطق اللي تزعجك وحابه تعدلينها 

| افضل الفرش للكونتور بنظري |

|1| Mac Illamasqua Brush (Contour 163)

|2|. Real Technique brush Contour

|3|.sigma brush F40

بالنسبة لمنتجات الكونتور فيه منها الكريمي وفي منها باودر 

شخصيا افضل اضع الفانديشن بعده احط الكونتور الكريمي لانه سهل التحكم بالتوزيع وبعدها احط عليها الكونتور اللي يجي باودر بشكل خفيف فيعطي شكل جميل 

|1| hoola by beneft 

 

الافضل تاخذين الكونتور اغمق من لون بشرتك بدرجتين  

|2| عجلة كونتور كريولان ثلاثية :

|3| كونتور نارس 

❤️❤️ Love all 

Bye *

رايي في بي بي كريم الكوري الوردي للبشرة الدهنية

السلام عليكم ورحمة الله وبركاته 

كيفكم وكيف الصيام معاكم ان شاء الله تكونو بخير 

اليوم حابه اسوي ريفيو عن بي بي كريم الكوري الوردي 

بالبداية شفت كثير ناس مدحوه وقالو انه يعالج البشرة ويحمي من الشمس ويغذيها ويفتحها مع تكرار الاستخدام وانه يخلي البشرة فيها نضارة  كنت متحمسه كونه كوري  

طلبته من تاجرة  وماكان متوفر غير درجة بس قالو انه مع الدمج يصير زي لون البشرة ما كنت مقتنعه بس قلت يلا خلينا نجرب

اول استخدام ماعجبني لان مافيه غير درجة وحده وطلعت اغمق من بشرتي بكثير حتى مع الدمج صاير اللون باهت ومبين البشرة تعبانه 

حطيت كمية بسيطة لكن الكريم نفسه قوامه متوسط لقيت صعوبة بتوزيعه بالفرشة 

وزعته ب ايدي  بس ما اخفى التصبغات زي ما قالو 

ماعجبني طلع وجهي كانه مغبر هذا غير اللمعان اللي يزعج بعد فترة من الاستخدام طلعت لي حبوب في وجهي الباودر عاديه يعني ماهي مره جميلة ولا سيئة  حسيت البي بي كريم زي الاساس مع ان قوام البي بي كريم يكون خفيف بس هذا حسيته اقرب للفاونديشن 

ندمانه جِدا اني اشتريته  خاصهً بعد الحبوب اللي طلعها لي 😢

اتمنى اني قدرت افيدكم 

اشوفكم ع خير ❤️❤️❤️

(Review) ريفيو عن ماسك و منظف مجموعة الشاي الاخضر

السلام عليكم ورحمة الله وبركاته
هذا اول بوست في  البلوق
اتمنى يعجبكم ويفيدكم

اليوم ان شاء حتكلم عن تونر وماسك مجموعة الشاي الاخضر من ذا بودي شوب
المجموعة ككل تهتم وتتخصص بالبشرة الدهنية وتعالج حب الشباب  وفيها غسول وتونر وماسك واشياء كمان

ف يلا نبدا ✨

Tea Tree Skin Clearing Facial Wash

التونر بالنسبة لي شي ضروري لانه ينظف البشرة بعمق ويزيل طبقة الشوائب والدهون اللي تتراكم على البشرة طول اليوم

فـ كنت استخدم اسكنول لكن اسكنول تنظيفه ومفعوله قوي وصرت استخدمه على منطقة الانف والرقبة 

استخدمت هذا التونر شي عجيب بجد ينظف البشرة وينقيها ويزيل البثور والشوائب والطبقة الدهنية اللي على البشرة

وبعد  ما تستخدميه تحسي بالانتعاش ويشد البشرة ويقلل اللمعان 

وتقدري تستخدميه لازالة المكياج بس مفعوله طبعا متوسط مو زي مزيلات المكياج

النقطة الاهم انه لو كانت بشرتك حساسه مايناسبك اما لو كانت بشرتك عادية او مختلطة  مع تكرار الاستخدام يخلي البشرة جافة , عشان كذا من الضروري ترطبي البشرة بعده بالمرطب اللي تستخدميه 

=)

tee tree face mask

الماسك استخدمه مرتين في الاسبوع اهميته انه يشد البشرة ويحاول يعالج البشرة الدهنية اللي تكثر افرازاتها 

والمعرضة اكثر لحب الشباب , ينظف المسام ب انه يقلل الدهون اللي تفرزها

ويحارب الرؤوس السوداء بس طبعا مع تكرار الاسخدام مع اول استخدام له ماحبيته  لان كذا ياكل البشرة بس اول دقيقة بعدها عادي 

تتركيه ع البشرة من 15 الى 20 دقيقة وبعدها تغسليه 

لانه يزيل الدهون ويطهر البشرة ف طبيعي البشرة راح تكون جافة استخدمي بعدها مرطب 

=)

اتمنى البوست عجبكم ارجع اقول المجموعة للبشرة الدهنية 

مفعولها حيكون واضح للبشرتهم دهنية 

اللي بشرتهم عادية ومختلطة لازم يهتمو بالترطيب 

المجموعة ابدا ماتناسب البشرة الحساسة 

اشوفكم على خير 

يوم سعيد